Hoi zäme
Ha mal welle fröge, ab wänn ihr euchne Chind Höflichkeitsform, also "Sie" agwöhnt händ? Tochter wird demnächst 4i und "duzt" halt jede no. Mängisch seit sie au "grüezi". Im Gspröch isch es aber immer es "du", egal wie alt Person isch. V. A die ältere Lüüt findets natürlich no "härzig" wänn sie losplapperet und frögt "wie heissisch du?". Frag isch nur wie langs no härzig isch 
Lerneds das dänn im Chindsgi oder machts Sinn ihre jetzt scho de Unterschied zwüsched "du" und "Sie" z'erkläre?
Bi gspannt uf euchi Kommentär.
Lg heran
von heran am 19.10.2022, 17:03
Im Chindsgi Säge si no „Du, Frau Meier“… i Dr Schuel geit denn das nämlich automatisch, dass si do de richtig d Lehrer a spräche… Auso se theamtisieres ja au i Dr Schuel…
Mini Ching hei ja süsch eher weniger Kontakt zu Lüüt wo si sötte Size….
Und, So lang Mini Ching fründlich si u Anstand hei, isch mer das nämlich vollkomme egal wenn si Size oder Duze… (natürlich nur bi zumene Gwüsse alter! ) ig has ja au scho besproche mit ihne, aber im „normale Umgang“ mit anderne Mönsche isch mer ihres „Benähme“ wichtiger als wenn si richtig Du oder Sie Säge….
Danke före Heewiis. Mini Chlinii (3 Johr, 3 Mönet) duzt au no jede ond ergendwie eschs mer gar ned ufgfalle 
Da mer i üsm Omfäld niemer hend wo mer öfters gsähnd ond siezed, esch das wohl au noned zor Sproch cho. Dänke wenn sech d Glägeheit erged wärde mers thematisiere.. so quasi us de Situation use
... I de Regel seit sie immer "du" wäm mer bi öppertem verbie laufed... Mängisch chunnt aber au es "grüezi" vo ihre
.. I vermuete dass hät sie vo de Kita